Saturday, December 31, 2011

නව වසරේ සුන්දර වැඩ පිලිවෙලක් පටන් ගනිමු..

තෙරුවන් සරණයි..!

වසරක් අවසන්ව නව ව්‍යවාහාරික වසරක් උදා වෙන මේ මොහොතේ මේ නව වසරේ ඉතාමත් ප්‍රයේජන, වටින, සියලු දෙනාට හිත සුව පිනිස පවතින වැඩ පිලිවෙලක් පටන් ගනිමු. මේ වැඩ පිලිවෙල මුලින්ම මේ ලොකෙට හෙලිකරේ අපගේ බුදු සමිදානන් ය.

බුදු රජානන් වහන්සේ විසින් උන්වහන්සේ ගැන අප්‍රමාන පැහැදීමක්, ශ්‍රද්ධාවක් වැඩි දියුනු කර ගැනීමට බුදු ගුණ නිතර සිහි කරීමෙන් හැකිවන බව දේශනා කර ඇත. අන්ත අප්‍රමාන වු බුදුගුණ දරා ගැනීමට අපගේ හිත ශක්තිමත් නොවන බැවින් උන්වහන්සේ විසින් ඒ බුදු ගුණ නවයකට කැටි කොට දේශනා කර ඇත. අපි ඒ උතුම් බුදු ගුණ ගැන නිවරදිවම, අර්ථ වශයෙන් දැන ගනිමු.

අප සරණ ගිය බුදු හිමියන් අරහං වන සේක.

බුදුරජානන් වහන්සේ රාග,ද්වේශ,මෝහ සම්පූර්නයෙන්ම ප්‍රහානය කල සේක. සියලු කෙලෙසුන්ගෙන් මිදුනු සේක.නිදහස්වුනු සේක.උන්වහන්සේ රහසින්වත් පවු නොකල සේක.

අප සරණ ගිය බුදු හිමියන් සම්මාසම්බුද්ධ වන සේක.

මේ ලොකයේ තිබෙන යතාර්ථය වන චතුරාර්‍යය සත්‍යය උන්වහසේ අවබෝධ කලේ කිසිදු ගුරුවරයකුගේ උපකාරයක් නොලබාය.උන්වහන්සේ විසින්මය.

අප සරණ ගිය බුදු හිමියන් විජ්ජාචරණ සම්පන්න වන සේක.
 
උන්වහන්සේ යමක් අවබෝධ කලාද, ඒ අනුවම දිවි ගත කල සේක.අනන්ත වූ නුවනයන්ගෙන් යුතු වූ සේක.

අප සරණ ගිය බුදු හිමියන් සුගත වන සේක.

උන්වහන්සේ සුන්දර වූ මාර්ගයක වෑඩම කර ඒ පරම සුන්දර වූ නිර්වානය අචබෝධ කල සේක.

අප සරණ ගිය බුදු හිමියන් ලොකවිදූ වන සේක.

උන්වහන්සේ සියලුම ලෝක දක්නා සේක.අවබෝධ කල සේක.කිසිදු ලොවක කිසිදු රහසක් නොමැත.

අප සරණ ගිය බුදු හිමියන් අනුත්තරෝ පුරිස දම්ම සාරථි වන සේක.

අකීකරු දෙවි මිනිසුන් කිසිදු හිංසාවකින් තොරව මෙ උතුම් දහම තුලින් දමනය කල සේක.හික්මවූ සේක.

අප සරණ ගිය බුදු හිමියන් සත්ථාදේව මනුස්සානං වන සේක.

දෙවි මිනිසුන් හට එකම ශාස්තෘන්වහන්සේ වන සේක.එකම මග පෙන්වන නායකයානෝ වන සේක.

අප සරණ ගිය බුදු හිමියන් බුද්ධ වන සේක.

තමන් වහන්සේ අවබෝධ කල ධර්මය මනාකොට දේශනා කර බුද්ධ සාසනයක් ඇති කල සේක.

අප සරණ ගිය බුදු හිමියන් භගවා වන සේක.

භාග්‍යවතුන් වහන්සේ මෙතරම් වූ අනන්ත ගුණ දරාගෙන සිටීමට තරම් භාග්‍යවන්ත වූ සේක.

අප ඒ උතුම් සම්බුදු ගුණ අර්ථ වශයෙන් දැනගෙන නිරතුරුවම මුලු හදවතින්ම සිහිකල යුතුයි. හිතලා බලන්න මොහොතක් ඔබ දැන මිය ගියොත් ඔබට ‍රැක වරනයක් තියෙන වාද? ඉතින් මරනින් පසු සුගති ගාමී වෙන්න, ‍රැකවරනයක් සලසා ගනීමටත් අපගේ ශ්‍රදධාව වැඩි දියුනු කර ගැනීමටත් මේ උතුම් බුදුගුණ නිරතුරුවම මුලු හදවතින්ම සිහිකරමු. 
 
මේ සදහා වෙනම වේලාවක් වෙන් කරගත යුතුම නැහැ.සෑම වේලාවෙම අපට ධර්මයේ හැසිරිය හැකියි. එය එසේ කලයුතුයි. සිතන්න අප බොහෝවිට බස් රථ වල වාහන වල ගමන් කරනවා නේද? ඉතින් ඒවගේ වෙලාවල් වලදී පවා මෙය කල හැකියි නේද? 

පිටරට වල සිටින බොහෝ පිරිසකට මේ උතුම් ධර්මය බොහෝවිට අඩුවෙන් ඇහෙන්නේ. ඉතින් එ හමොම හැකි සෑම විටකදීම මෙ ධර්මය සිහිකිරීමට උත්සහ කලයුතුයි.

මෙ උදාවන නව වසරෙ මුල සිටම අප මේ උතුම් බුදුගුන සිහි කරමින් සිත පහදාගෙන අපගේ ශ්‍රද්ධාව වැඩි දියුනු කර ගැනීමට උත්සහ කරමු.
එය සියලු දෙනාටම හිත සුව පිනිස පවතියි.

සියලු දෙනාටම තම ශ්‍රද්ධාව දියුනු කරගත හැකි සුභ නව වසරක් වේවා.

තෙරුවන් සරණයි..!

Friday, December 30, 2011

"මම ලෝකයට අග්‍ර වෙමි" සිංහ නාදය

තෙරුවන් සරණයි..!

අප කලින් ලිපියෙහි මහාමායා දේවිය දු‍ටු ඒ අසිරිමත් සිහිනය ගැන දැනගත්තා. අද  උන්වහන්සේගේ අසිරිමත් සිංහ නාදයක් ගැන දැන ගනිමු.

ඉතින් මේ පින්වත් දරුවා මව් කුසට පැමිනීමෙන් පසු සතරවරම් දෙවිවරු විසින් ඒ මව ආරක්ෂාකරනවා.ඉතින් මේ අම්මාට සෘධියක් ලැබෙනවා.අම්මාට දරුවව පේනවා. අම්මා දරුවත් එක්ක කතා කරනවා.දරුවත් කතාකරනවා.

ඉතින් කාලය පැමිනීමත් සමගම බිසවුන් වන්සේ දරුවා ලැබීමට බිසවුන් වහන්සේගේ මවගේ ගෙදර වන දෙව්දහ නුවර යාමට පිටත් උනා. ඒ මාර්ගයේ ලුම්බිණි නැමති බිසවුන් වහන්සේ නමක් සිහිවීම සදහා ඉදිකරපු උයනක විවේක ගැනීමට නතර වුනා.

මේ උයනේ ලස්සනට සල් මල් පිපිලා. බිසවුන් වහසේ සල් ගසක් මුලට ගිහින් සල් අත්තක් අල්ලන්න අත එසවීමත් සමගම ඒ සල් අත්ත පාත් උනා.ඒ අත්ත අල්ලගෙන ඉද්දී අම්මට තේරුනා දරුවා උපදින්න යන බව.
ඒ උත්පත්තිය විශේෂයි.ඒක අත්භූත උත්පත්තියක්. අම්මා හිටගෙන ඉද්දිමයි දරුවා බිහිවුනේ.

මේ දරුවා ඉපදෙද්දීම හරීම පුදුම දෙයක් වුනා. දරුවා ඉපදෙද්දීම පොලොවෙන් දිය කදවල් දෙකක් මතු උනා. එකක් ලා රස්නෙයි, අනෙක ලා සීතලයි. ඒකෙන් අම්මවයි පුතයි දෙන්නම නෑවුනා.


මෙම උල්පත් දෙක තිබිලා තියෙනවා අවුරුදු 1000ක් විතර වන තුරු. චීන ජාතික හියුං සුවැං කියන භික්ෂුව චාරිකාවේ යද්දී මේක දැකලා ඒ පිලිබදව ලියලා තියෙනවා.

ඉතින් මේ බිමට වඩින දරු සිගිත්තා සහම්ප්‍රතී බ්‍රහ්මරාජයා රන් සලුවෙන අතට අරගෙන කීවා, " පින්වත් දෙවියන් වහන්ස සතු‍ටුවන සේක්වා. මහා පින් ඇති පුත් රුවනක් උපන්නා" කියලා.

ඊට පස්සේ සතර වරම් දෙවිවරු අතට ගත්තා, සක් දෙවිදු අතට ගත්තා. පසුව බිසවුන් වහන්සේගේ අතට ගැනීමට පෙර මේ පින්වත් දරුවා හිටගෙන වටපිට බලලා උතුරු දිශාවට පුංචි සිරිපතුල් ඔසවා පියවර තියන්න හදන කොටම නෙලුමක් පිපෙනවා. අයෙත් තියන්න හදනකොටම නෙලුමක් පිපෙනවා. මෙසේ පියවර හතක් ගියා.

ඉන් පසුව මේ දරු සිගිත්තා දකුනු අත ඔසවා දබරගිල්ල අහසට දිගු කර
"මම ලෝකයට අග්‍ර වෙමි
 මම ලොකයට ජේෂ්ඨ වෙමි
 මම ලොකයට ශේෂ්ඨ වෙමි
 මේ මාගේ අවසාන ඉපදීමයි, නැවත ඉපදීමක් නැත."  ලෙස සිංහ නාද කරන ලදි.

ඉතින් මේ සිගිති පුතා ඉපදෙන විට දෙව් ලොවේ විශාල සැනකෙලියක්. මේක දැන ගත්තේ මේ කාලයේ හිමාල වනයේ හිටියා අසිත කියලා තාපස තුමෙක්. එතුමා විවේකය ගත කිරීම සදහා දෙව්ලොව ගිහින් හිටියේ.එතුමා දෙවිවරුන්ගෙන මේ සතු‍ටු වන කාරනාව අසා සිටියා.ඒතකොට දෙවිවරු කියා සිටියා "ලොකේ සම්බුද්ධත්වයට පත්වන මහා පින්වත දරුවා අද උපන්නා" කියලා.

ඉතින් එදා සවස අසිත තාපස තුමා මනුලොවට ඇවිත් මාලිගාවට වැඩම කර මේ පින්වත් දරුවා බලන්න ඉල්ලුවා.ඒ කාලේ තිබ්බ සිරිතක් තමා දරුවා තාපස තුමන්ලාගේ පය පාමුල තියන එක. නමුත් මේ දරුවා පය පාමුල තියන්න හදන කොට පුතාගේ පය තාපස තුමාගේ ජටාවේ වැදුනා. තාපස තුමාට එක වැරම මෙය ලකුනු වෙලා එක වැරම නැගිටලා දරුවා දිහා බලලා වැන්දා. ඊට පස්සේ එතුමා හිනා උනා.පසුව ඇඩුවා.

මේකට රජතුමා බය වෙලා ඒ පිලිබදව විමසා සිටියා.

තාපස තුමා කීවා, " රජතුමනි මම හිනා උනේ මේ දරුවා ස්ථිරවම සම්බුද්ධත්වයට පත් වෙන නිසයි.ඇඩුවේ ඒ වෙනකොට මට වාසනාවක් නෑ අහන්න, දකින්න නිසයි."

එතුමා පසුව සෙත් පතලා නංගිගේ ගෙදර ගිහින් මේ සිද්ධිය කීවා.ඒ ගෙදර හිටිය නාලක කියන පුතාට කතා කරලා " පුතේ බුදුකෙනෙක් ලොව පහල වෙලා.අදම ගිහිගෙය අත හැරලා පැවදි වන්න.අනාගතේ දවසක ආරංවිවෙයි බුද්ධත්වය ලබලා දහම් දෙසන බව.එදාට ඇවිත් දහම් අහන්නැයි" කියලා කීවා.

ඉතින් සිතා බලන්න මෙ දෙවල් දැන ගත්තහම නේද හිතේ පැහැදීම ඇති වන්නේ.ඒවා විස්මිත, සුන්දර සිදුවීම්. අපත් මේ විස්මිත සිදුවීම් දැනගෙන හිතේ පැහැදීම වැඩිකර ගනිමු.

තෙරුවන් සරණයි..!

Wednesday, December 28, 2011

මහාමායා දේවිය දු‍ටු ඒ සුන්දර , විස්මිත සිහිනය...

තෙරුවන් සරණයි..!

අප බොහෝදෙනෙක දනුයේ මහාමායා දේවිය දු‍ටු සිහිනයේ අවසාන කොටස වන සුදු ඇත් පැටවා කුසට ඇතුලු වීම පිලිබදව නේද? අප ඒ විස්මිත සිහිනය දැනගනිමු.එය එය අපගේ ශ්‍රද්ධාව වැඩිවීමටද හේතු වේවි..

අපගේ ගෞතම බුදු රජානන් වහන්සේ මීට වසර 2635 පෙර තුසිත දිව්‍ය ලොව සිටියේය. සුදුසු කාලය එලබීමත් සමග දෙවිවරු විසින් උන්වහන්සේට මනුලොව උත්පත්තියට ආරාධනා කලේය. " මහා වීරයානෙනි, මව් කුසක උපදින සේක්වා.දෙවියන් සහිත ලොකයාව එතෙර කරමින් අම නිවන අවබෝධ කරන සේක්වා" ලෙස ආරාධනා කරන් ලදි.

එය පිලිගත් අප බෝසතුන් ඊට සුදුසු විශේෂිත වූ කාරනා 5ක් ගැන විලෝකන බැලීමක් සිදුකරයි. එය සියලු බුදුවරුන් වහන්සේලා මව් කුස පිලිසිද ගැනීමට පෙර එය බලයි. 
ඒ මිනිසුන සත්‍යය සොයන කාලයක් විය යුතුයි. බුද්ධිමත් මිනිසුන් සිටින කාලයක් විය යුතුයි.ඒ කාලය එකල පැමින තිබුනේය. එය කාලය බැලීමයි.

සියලුම බුදුවරුන් පහල වනුයේ ජම්බුද්ධීපයේය.සියලු පසේ බුදුවරුන් ද බෝසත් වරුන්ද පහල වනුයේද ජම්බුද්ධීපයේය. එය බුද්ධ විශයකි.එය දීපය බැලීමයි.

උපදින දේශය මධ්‍යය දේශයයි. ඒ හිමාල පර්වතයට පහල නැගෙන හිර ප්‍රදේශයේ සැවෙත් නුවර, බුද්ධගයාව, බරණැස වගේ ප්‍රදේශ අයත් වේ. එය දේශය බැලීමයි.

සියලුම බුදුවරුන් පහල වනුයේ කුල දෙකක පමනි.ඒ බ්‍රාහ්මන කුලයේ හෝ ක්ෂත්‍රිය කුලයේ පමනි. ඊට අදාල කුලයත් තිබෙන බව දක්නට ලැබුනි.එය කුලය බැලීමයි.

උත්පත්තිය සදහා සුදුසු මවක්  සිටීදැයි බැලුවා.ඒ මවට ආයුෂ තිබිය යුත්තේ දරු කුස පිලිසිද ගත් පසු මාස 10 යි දවස් 7 පමනි.ඒක ධර්මතාවක්. මෙම මව ස්භාවයෙන්ම සිල්වත් මවකි.

මවත් ඒ වනවිට මිනිස් ලොව ඉපදී ඇති බැවින් ඇසල පොහොය දිනයේ මෙලෙස මව් කුස පිලිසිද ගන්නා ලදි.

මහා මායා දේවිය ඇසල පොහොය දවසේ යහනාවේ නිදා සිටින විට විස්මිත සිහිනයක් දු‍ටුවා.

චාතුම් මහා රාජික දෙව්ලොව සිටින සතර වරම් දෙවිවරු දේව ආභරණ වලින සැරසී ඇවිත් බිසවුන් වහන්ස නිදා සිටි යහන හතර පැත්තෙන් අල්ලාගෙන ආකාසයෙන් ‍රැගෙන ගොස් හිමාලයේ රිදී පර්වතයක පසේ බුදුවරුන් වහන්සේලා විවේකීව වැඩ සිටින මංජුසක නැමති රුක්ෂය පාමුල යහන තිබ්බා. 
පසුව සතර වරම් දෙවිවරුන්ගේ බිසවුන් වහන්සේලා පැමින  අනෝතප්ත විලට ගෙන ගොස් නහවා දිව්‍ය සලු වලින් සරසලා නැවත යහනාවේ හාන්සිකලේය. නැවත සතර වරම් දෙවිවරු පැමින යහනාව රත්තරම් පාට ගල් තලාවකට ‍රැගෙන ගොස් තැබුවා.

බිසවුන් වහන්සේ දකුනු ඇලයෙන් හානිසි වෙලා ඉන්නවා.ඈතින් සුදු ඇත් පැටියෙක් සිදු නෙලුමක් සොඩින් ගෙන තුන් වතාවක් බිසවුන් වහන්සේ වටා පැදකුනු කර දකුනු ඇලයෙන් කුසට ඇතුල් වුනෙය.

ඒ සමගම බිසවුන් වහන්සේට ඇහැරුනේය...


මෙලෙස තමා අපගේ බුදු පියානන් වහන්සේ මිනිස් ලොවට ආවේ.අප දැන්වත් උන්වහන්සේ ගැන විස්මිත මේ විස්තර, උන්වහන්සේගේ ඒ ධර්මය ගැන දැන ගත යුතුයි නේද? 
අප සරණ ගිය බුදු රජානන් වහන්සේ ගැන ඒ විස්මිත විස්තර දැන ගනිමු. එය අපගේ ශ්‍රද්ධාව වැඩිවීමට හේතු වේවි.

තෙරුවන් සරනයි..!

Sunday, December 25, 2011

තම තම බසින් බුදු දහම ඉගෙනීම වරදක්ද ?

තෙරුවන් සරනයි..!

ධම්මෝ හවේ රක්ඛති ධම්ම චාරීන්
චත්තං මහන්තං යථා වස්ස කාලේ
ඒ සානි සංසෝ ධම්මෝ සුචින්නෝ
න දුග්ගතිං ගජ්ජංති ධම්ම චාරීන්


" යම් කිසි කෙනෙක් ධර්මයේ හැසිරේනම්, ඔහුව ධර්මය විසින්ම ආරකෂා කරයි. ඒ හරියට මේ වගෙයි, මහා වැස්සක් වහිද්දී විශාල කුඩයක් යට නොතෙමී ඉන්නවා වගේ ධර්මයෙන් ආරකෂා කරයි. ධර්මය පුරුදු කලොත් අනුසස් මෙයයි, ධර්මයේ හැසිරෙන කෙනා සතර අපායේ යන්නේ නෑ"



ධර්මයේ හැසිරීමට නම් අප ඒ උතුම් ධර්මය දැනගත යුතුයි. ඒත් අප නිවදිවම පාලි භාෂාව දන්නවාද? අප දැන ගත යුතුයි. මේ ලොකේ තිබෙන සුන්දරම භාෂාව එයයි. නමුත් පාසල් අධ්‍යාපනින් වත්  ඒ සදහා අවස්ථාවක් නෑනේ..ඒක වෙනම කතවක්..
ඉතින් අපි බලමු පාලි බස නොදන්නා අයට ඒ උතුම දෙශනා ඉගෙන ගත නොහැකිද? ඒක ලොකු පාඩුවක් නේද? එය තේරෙන භාෂාවකින් ඉගෙන ගත්තොත් වරදක්ද? අපම ටිකක් විමසා බලමු...

බුදු රජානන් වහන්සේගේ කාලේ විවිධ ප්‍රදේශ වලින්, විවිධ භාෂා කතා කරන පිරිස රජගහනුවර, සැවැත් නුවර වගේ ප්‍රදේශ වලට පැමිනියා.රහතන් වහන්සේලා ඒ හැම ප්‍රදේශකම වාගේ වැඩ හිටියා. ඉතින් බුදු රජානන් වහනසේ යම් තැනක යම් දේශනාවක් කරයිද එය රහතන් වහන්සේලා විසින් එම දේශනා තම තමන්ගේ භාෂාවලින් කතා කිරිමට පටන් ගතතා.එලෙස බුද්ධ දේශනා පැතිර ගියා.


මේ කාලේ යමෙලු, තෙකලු කියලා බමුනු කුලෙන් පඩිවරු 2ක් පැවිදිව සිටියා. උන්වහන්සේලා දෙනම බුදු රජානන් වහන්සේ ලගට ගොස් මෙසේ කියා සිටියා. "භාගයවතුන් වහන්සේ, විවිධ ප්‍රදේශ වලින් පැවදි වුනු අය විවිධ භාෂා කතා කරනවා. තම තම්න්ගේ භාෂාවෙන් මේ ධර්ම්ය කීම නිසා මේ ධර්මය දූෂණය වෙනවා. එ නිසා භාගයවතුන් වහන්ස මේ ධර්මය සංස්කෘත ශ්ලෝකයට හරවන්න අවසර දෙන්න" කියා සිටියා.


එවෙලේ බුදු රජානන් වහන්සේ කියා සිටියා "හිස් පුරුෂය , තථාගත ධර්මය කිසි  දවසක සංස්කෘත ශ්ලෝකයට හැරවීම නොකල යුතුයි." 
එම අවස්ථාවේදීම උන්වහන්සේ " මහනෙනි මේ ධර්මය තම තමන්ගේ භාෂාවෙන් ප්‍රගුන කිරීමට අවසර දෙමි" යැයි ප්‍රකාශ කර සිටියා.

මෙසේ බුදු රජානන් වහන්සේ අර භික්ෂූන් වහන්සේලා දෙනමගේ අදහස කෙලින්ම ප්‍රතික්ෂේප කර  තමන්ගේ භාෂාවෙන් ධර්මය ප්‍රගුන කිරීමට අවසර දුන් සේක.

නමුත් පසු කලෙක බමුනෝ විසින් මේ ධර්මය සංස්කෘතයට නැගුනු බැවින් ඉන්දියාවෙන් බුද්ධ සාසනය නැතිව ගියා.එ බුද්ධ වචනයට අවනත නොවී එපා කියපු දේ කල නිසා.

මිහිදු හිමියන් ලංකාවට වැඩීමට කලින් එකල ලංකාවේ තිබූ භාවිතා කල භාෂාව වන "දීප" භාෂාව ඉගෙන ගෙන පසුව ලංකාවට පැමින් උන්වහන්සේ මේ ධර්මය එම භාෂාවෙන් පැහැදිලි කර දුන් සේක.

පසුව තුන් වන ධර්ම සංගායනාවෙදී ස්ථාපිත කල පාලි භාෂාවෙන් මාගධී භාෂාවෙන් තිබූ ධර්මය ලක්දිව මිනිසුන්ට ඉගැන්විය.එහි අරුත් එකල තිබූ භාෂාවෙන් ඉගැන්විය.එය හෙළ අ‍ටුවා නම් විය.

පසු කලෙක ඉන්දියාවේ සිටි භික්ෂුන් වහන්සේලා මෙය දැන ගැනීමෙන් පසු බුද්ධ ඝෝෂ හිමියන්ට කියා සිටියා ලක් දිවට ගොස් එය ඉන්දියාවේ එකල තිබූ මාගධී බසට පාලි බසට හරවගෙන ඒන ලෙස.එවිට අපටත් එය කියවා දැන ගත හැකියි කියා.

එම හිමියන් අනුරාධපුරයේ මහා විහරෙට වැඩම කර එහි සිටි නායක හිමි වරුන්ට පැමිනි කරුන කියා එයට අවසරය ඉල්ලා සිටියා. නමුත් එහි සිටි හිමිවරු එක වරම ඒ සදහා අවසර දුන්නේ නැත.උන්වහන්සේලා ගාථාවක් දී එයට පරිකතාවක් , විස්තරයක් කරන්න යැයි බුද්ධ ඝෝෂ හිමියන්ට කියන ලදි.එමගින් එම හිමියන්ගේ කුසලතාව මැනීමටය.

එම හිමියන් එම ගාථාවට ලියූ පරිකතාව , විස්තරය තමයි "විසුද්ධි මාර්ගය" . එය පිලිබදව සතු‍ටු වූ නායක හිමිවරුන් පරිවර්ථනය සදහා අවසර ලබා දෙන ලදි. ඉන් පසු පාලියට නැගූ එය ලෝකය පුරා පැතිර ගියේය. පසුව ටික ටික පාලි බසට ගරු කරා, හෙල අ‍ටුවාව භාවිතයෙන් ඈත්ව ගියා.

බුදු රජානන් වහන්සේගේ ධර්මය අරුත් තම බසින් ඉගෙන ගැනීම නිසා බොහෝ අයගේ ශ්‍රද්ධාව වැඩීම සිදු වෙනවා. දැන් වර්ථමානයේදී සම්පූර්ණ ත්‍රිපිටකයම සිංහල බසින් ඉගෙන ගැනීමට අපට හැකියි.එය බොහෝම වාසනාවකි.

සිංහලෙන් පමනක් නොව , සිංහලයට හැරවීමට පෙර එය එංගලන්තේ, පාලි ත්‍රිපිටක සභාවක් පි‍ටුවලා "රිච් ඩේවිඩ්" නැමති කෙනා ලංකාවට පැමින පාලි බස ඉගෙන ගෙන එය ඉංග්‍රීසියට පරිවර්ථනය කරන ලදි. අද වන විට එය ජර්මන් වැනි භාෂා වලින් ද ඇත.

ලොව පුරා බොහෝ පිරිස් මෙ ධර්මය තම බසට හැරවීම නිසා මේ ධර්මය ඉගෙන ගෙන සිත් පහදවාගෙන සිටියි.

ඔබම ටිකක් සිතා බලන්න.
අප බොහෝ දෙනෙක් පාලි භාෂාව දන්නේ නැත. ඉතින් අප කෙසේද මේ ධර්මය ඉගෙන ගන්නේ? එක්කෝ අප පාලි ඉගෙන ගත යුතුයි. එය 100% සාර්ථක දෙයක් නොවේ. නමුත් හිතන්න අපට තේරෙන බසින් ඒ ධර්මය තිබුනොත් ඒවා කියවා ඉගෙන ගත හැකියි නේද? එවිට ඒ ධර්මය දැනගෙන ජිවිතයට එකතු කරගත හැකියි නේද? එය මහත්ම වූ ලාභයක් නොවේද? අප බුධිමත් වෙමු.. කවුරුත් කියනවාට නොව අපම විමසා බලමු.


ඉතින් අපත් මේ ජීවිත්යේදීම ඒ උතුම් දේශනා ඉගෙනගෙන , ජිවිතයට ගෙන මේ ජිවියේදීම අවබෝධ කරගැනීමට උත්සහ කරමු..

තෙරුවන් සරනයි..!

Saturday, December 24, 2011

පිරිත හා ගණ ...?

තෙරුවන් සරනයි.


පිරිත් දෙශනා කරද්දී ගණ පිහි‍ටුවා කලයුතුයි කියා පිරිස් පවසයි.නමුත් මොනාද ඔය කියන ගණ? යන්න බොහෝ පිරිස් නිවරදිව දන්නේද නැත.සෑබවටම අප බුදු පියානන් පිරිත් දේශනා කර ඇතතේ ගණ පිහි‍ටුවාලද? මේ පිලිබදව අප ටිකක් විමසා බලමු.

  • ගණ කියා ශාත්‍රයක් තිබේද?
 ඔව්. ගණ කියා ශාත්‍රයක් තියෙනවා.එක බලගතු එකක්.සෙත් කවි, වස් කවි, මන්ත්‍ර, වගේ දේවල් වලට යොදාගන්නවා. මේක ලොක ස්භාවයට සම්බන්ද වන එකක්. එක එක ගණ පිහි‍ටුවා හදන මන්ත්‍ර වලට භූතයින් බැදෙනවා.
  •  ගණ ශාත්‍රය කොහොමද හැදෙන්නේ?
  මෙහිදී අකුරු තුනේ වචන නොයෙක් නොයෙක් විදිහට ගලපා කරනු ලබන ශාත්‍රයකි. එවා 'ය' මුල් කොට සදනු ලබන 'ය' ගණය, 'න' මුල් කර සදනු ලබන 'න' ගණය, 'ස' මුල් කර සදනු ලබන 'ස' ගණය ආදී ලෙස භාවිතා කරයි.
  •   බුදු රජානන වහන්සේ ගණ පිහු‍ටුවා ද පිරිත් දේශනා කලේ?
 වැදගතම දේ එයයි. අප නොදැනුවත්ම හරි ඒහෙම කියනවානම් එය බොහෝ පවකි. ඒක උන්වහන්සේට , ඒ ශ්‍රී සද්ධර්මයට කරනු ලබන නිග්‍රහයකි.
  •    ඒ ඇයි එහෙම කියන්නේ? 
 මුලින්ම අප දැන ගත යුතුයි අප සරණ ගිය බුදු රජානන් වහන්සේ මන්ත්‍ර කරුවෙක් නොවන වග. උන්වහනසේ සාරා සංක කල්ප ලක්ෂයක් පෙරුම් පුරලා උන්වහන්සේ විසින්ම මෙම ධර්මය අවබොධ කරගෙන බුද්ධත්වය ලබා, එම ධර්මය දේශනා කලේ අනන්ත දුක් විද විද සංසාර යන අසරණ මිනිසුන්ට මෙම ධර්මය අවබොධ කරගෙන නිදහස් වීමට මිස ගණ පිහි‍ටු වීමට නොවන වග. බුදු රජානන් වහන්සේ දේශනා කලේ සත්‍යය මිස ගණයක් නොවේ.
කිසිම පිරිත් දේශනාවක් අවසානයේදී තිබෙනවාද 'මෙම ගණ පිහිටීමෙන් සැමට සෙත්වේවා' කියා. තිබෙනුයේ " මේ සත්‍යානු භාවයෙන් සැමට සෙත්වේවා" කියා නොවේද?

ගණ පිහි‍ටුවා කල මනත්‍ර වලට භූතයින් බැදෙනවා. නමුත් බුදු රජානන් වහන්සේගේ ධර්මය කියනකොට අපට භූත බන්ධන සම්බන්ධ කිරීමේ අවශ්‍යතාවක් නෑ. උන්වහන්සේට ගණ පිහි‍ටු වීමට අවශ්‍යය නැත.බුදු රජානන් වහන්සේ මේ ධරමය දේශනා කලේ බුද්ධිමත් දෙවි මිනිසුන්ට දේශනා අසා අවබෝධ කර ගැනීමටයි.

  •  එතකොට ඔය ගණ කියන දේ කොහොමද පිරිත් වලට ආවේ?
 බුදු රජානන් වහන්සේට , ශ්‍රී සද්ධර්මයට විරුද්ධව එකල බොහෝ තරහින් හිටිය පිරිස තමයි බ්‍රාහ්මණයෝ. පසු කලෙක බමුනෝ විසින් මේ ශ්‍රී සද්ධර්මය සංස්කෘත ශ්ලොකයට නගන ලදි.
ගණ කියන ශාත්‍රය බමුනන් විසින් හැදූ ශාත්‍රයකි.
මෙය ලංකාවට පැමිනුයේ 9 වැනි සියවසේ 'සිය බස් ලකර' කියන ග්‍රන්ත්‍රයේනි. මෙය සංස්කෘත පොතක සිංහල පරිවර්ථනයයි. දංඩීන් කියන සංස්කෘත පඩිවරයා 'කාව්‍යදර්ශය' කියලා පොතක් ලිවා, සංස්කෘත කාව්‍යයේ තිබෙන මහා කාව්‍ය සම්ප්‍රධායට අදාල ගණ ශාත්‍රය පිළිබදව. මේක පටලවාගෙන තමයි බුදු රජානන් වහන්සේ ගණ පිහිටලා දේශනා කලා කියලා කීවේ.

  දන්නවාද...
 ගණ ශාත්‍රයේදී 'න' ගණය අසුභ ගණයක් ලෙස ද ඒය මුලට දමලා කිසිදු වැඩක් ඇරබන්න එපා කියලා සංස්කෘත සාහිත්‍යයේ උගන්වනවා. එසේ බමුනෝ කර ඇත්තේ බුදු දහම විනාශ කිරීමටයි. මොකද  බුදු දහමේ සියලු දේශනා පටන් ගන්නේ " නමෝතස්ස භගව‍තෝ " කියලා.

ඉතින් යම් කෙනෙක් ගණ ශාත්‍රය පිළිගනී නම්.. " නමෝතස්ස භගව‍තෝ " කියන ඒක අත හරින්න සිදුවෙනවනේ. ඒ කියන්නේ බුදු දහම අත හරින්න සිදුවෙනවා.

දැන් පේනවා නේද අප හරි හැටි නොදැන කියන කරන දේවල් වල බරපතලකම. අප දැන්වත් බුද්ධිමත් වෙමු.කවුරුත් කියනවාට නොව තමන්ම විමසා බලන්න පුරුදු වෙමු.  පිරිත් දේශනාවල ශබ්දය නොව එහි අරුත් දැනගෙන ඒවා ජිවිත්යට ගලපා ගමු.අවබෝධ කර ගනිමු. අප හැමෝම මේ ජීවිතයේදීම ඒ උතුම් ශ්‍රී සද්ධර්මය අවබෝධ කර ගැනීමට උත්සහ කරමු.

තෙරුවන් සරනයි.

Friday, December 23, 2011

රන්මැලි සෑය විය......

ප්‍රවීණ ගායක ශිල්පී සුනිල් එදිරිසිංහ මහතා විසින් ගයනු ලබන මෙම සිංදුව පිය සෙනෙහස ගැන කියවෙන ඉතා මියුරු පද රටා මෙන්ම මියුරු සංගිත යෙන්ද යුත් නවතම ගීතයකි. සුනිල් එදිරිසිංහ මහතාගේ "මල් වැහි පොදක්" නැමති නව ගීත එකතුවේ  ඇත.

රන් මැලි සෑය විය දිවි අබරට නැගුන
සුදු හුන් පියා විය සක්විති මග තනන
සමනල පව්ව විය දුක සැප සම බලන
විය මහ රජුනි අප ගෙපැලේ රජ කරන

අසනි වැසි රුදුරු වග වලසුන් අතරේ
සිව්මහ දෙවිදු වී නිති ‍රැකවල් සැදුවේ
හිරුටත් කලින් අවදිව කෙත්වත් තැනුවේ
බෝසත් පාරමී බලයෙනි අප තැනුවේ

බුදදස් නිරිදු සේ අත බෙහෙතක් තනලා
පැල ඉනිවැටෙත් ඝණ දෙවි රූපය අබලා
තුසිතෙක ඉසුරු පැල වට සිව් කොණ තබලා
ලොව්තුරු සුව විදියි අප රජ වනු දැකලා

                              (සුනිල් එදිරිසිංහ)

Thursday, December 22, 2011

තෙරුවන් සරණයි......

ජිවිතය........
 ඉතින් අවසරයි
ලියන්න.....
 නුබ ගැන

සිතට දැනෙන , හැගෙන දේ......